Finlandiya Prezidenti Aleksandr Stubb hesab edir ki, Rusiya Ukraynada müharibənin dayanması üçün danışıqları bloklayır.

Stubb bu fikirləri avqustun 23-də ukraynalı həmkarı Volodimir Zelenski ilə birgə keçirdiyi mətbuat konfransında səsləndirib.

"Mən hesab edirəm ki, ukraynalılar danışıqlar zamanı praqmatik həllər axtarırlar, lakin məhz ruslar konkret nəticələr nümayiş etdirmirlər. Amerikalılar isə təqdim edilə biləcək real bir nəticənin olduğunu hiss etməyincə Moskvaya və ya Kiyevə gəlməyəcəklər", - Finlandiya Prezidenti vurğulayıb.

A. Stubb həmçinin bildirib ki, iki günlük işin və Kiyev görüşlərinin öz qiymətləndirməsini o şəxsən Vaşinqtona ötürəcək ki, bundan sonrakı qərarların qəbuluna kömək etsin.