Azərbaycan və Özbəkistan arasında yaradılmış İnvestisiya Fondu digər oxşar əməkdaşlıq formatları içərisində ən səmərəli və nəticəyönümlü hesab edilir.
Prezident İlham Əliyev bu fikri Azərbaycan və Özbəkistan Ali Dövlətlərarası Şuranın üçüncü iclasında səsləndirib. O, fondun ümumi həcminin 500 milyon dollar olduğunu və ondan təxminən 160 milyon dolların artıq konkretləşdirildiyini bildirib.
Dövlət başçısı qeyd edib ki, bu vəsaitin yaxın zamanda istifadə olunacağı və əməkdaşlığın yeni istiqamətlərinin müəyyən ediləcəyi gözlənilir. Eyni zamanda o vurğulayıb ki, iki ölkə arasındakı investisiya layihələrinin ümumi həcmı fondun nominal məbləğindən xeyli artıqdır.
Məruzədə həmçinin bildirilib ki, yalnız Özbəkistanın turizm sektoruna təxminən 5 milyard dollar investisiya yönəldilməsi planlaşdırılır. Daşkənddə həyata keçirilən hotel və yaşayış kompleksləri kimi bir sıra layihələr isə İnvestisiya Fondunun çərçivəsindən kənarda həyata keçirilir.
Nəticə etibarilə Prezident investisiya portfelinə ümumi baxışın göstərdiyini söyləyib ki, real investisiya həcmimiz nəzərdə tutulmuş 500 milyon dollardan çoxdur.
