Ucar rayonunda yol-nəqliyyat hadisəsi baş verib və nəticədə xəsarət alanlar olub.
Hadisə Bakı-Qazax magistralının Müsüslü kəndindən keçən hissədə qeydə alınıb. Sürücünün nəqliyyat vasitəsini idarəetmədən çıxması nəticəsində avtomobil beton arakəsməyə çırpılıb.
Avtomobili idarə edən şəxsin Bakı şəhər sakini, 1974-cü il təvəllüdlü Aydın Əliyev olduğu müəyyən edilib. İdarə olunan nəqliyyat vasitəsi "Mercedes" markalı olub.
Qəza zamanı sərnişinlər - Bakı sakini, 1986-cı il təvəllüdlü Günel Əliyeva və Tovuz şəhər sakini, 1958-ci il təvəllüdlü Şura Tağıyeva müxtəlif xəsarətlər alıblar.
Hadisənin səbəbləri və digər təfərrüatlar araşdırılır.
