Mədəniyyət Nazirliyinin Aparatına yeni rəhbər təyin edilib.
Nazirin müvafiq əmri ilə bu vəzifəyə Hikmət Mövlud oğlu Mustafayev gətirilib. Təyinat rəsmi əmrlə təsdiqlənib.
H.Mustafayev 1997-ci ildən etibarən dövlət qulluğunda fəaliyyət göstərir. O, karyerası ərzində Dövlət Əmlak Komitəsində, İqtisadi İnkişaf Nazirliyində və Əmlak Məsələri Dövlət Komitəsində müxtəlif məsul və rəhbər vəzifələrdə çalışıb.
Təyinatdan əvvəl H.Mustafayev Heydər Əliyev Mərkəzinin direktorunun müşaviri vəzifəsini icra edirdi. Mütəxəssis strateji planlaşdırma, institusional koordinasiya və təşkilati idarəetmə sahələrində təcrübə toplayıb.
H.Mustafayev eyni zamanda dövlət qulluğunun baş müşaviri statusuna malikdir.
Qeyd edilir ki, Aparatın əvvəlki rəhbəri Mustafa Abbasbəyli bir gün əvvəl vəzifəsindən azad edilərək başqa vəzifəyə təyin olunub.
