2025-ci ildə Azərbaycanla Özbəkistan arasındakı ticarət dövriyyəsi əvvəlki ilə nisbətən üç dəfədən çox artaraq 795 milyon dollar təşkil edib.
Prezident İlham Əliyev bildirib ki, iki ölkə arasında iqtisadi və ticari əlaqələr son illərdə sürətli inkişaf tempinə malikdir.
Dövlət başçısının sözlərinə görə, 2026-cı ilin yanvar-may aylarında ticarət dövriyyəsi ötən ilin eyni dövrü ilə müqayisədə 33 faiz artaraq 144 milyon dollara çatıb.
Üç il əvvəl ümumi kapitalla 500 milyon ABŞ dolları məbləğində təsis edilən Azərbaycan-Özbəkistan İnvestisiya Şirkəti iki tərəfli investisiya əməkdaşlığının inkişafında əsas platformalardan birinə çevrilib və hər iki ölkədə müxtəlif sahələrdə perspektiv layihələrin maliyyələşdirilməsinə töhfə verir.
Hökumətlərarası Komissiyanın iqtisadi, ticarət, investisiya və digər istiqamətlərdə əlaqələrin gücləndirilməsində xüsusi rol oynadığını vurğulanıb; indiyədək komissiyanın 15 iclası keçirilib və son toplantı Daşkənddə ölkələr arasındakı iqtisadi-ticarət əlaqələrinin vəziyyəti, əldə olunan nəticələr və gələcək inkişaf istiqamətləri mövzusunda müzakirələrlə yekunlaşıb.
