“Yapı Kredi Bank”ın Nərimanov filialındakı kassirlər “axtarılır”

Filial müdiri isə yerində tapılmır

Dünən Legion.az-a “Yapı Kredi Bank”ın Nərimanov filialından şikayət daxil olub.

Şikayətdə bildirilir ki, bankın Nərimanov filialındakı 4 kassadan gün ərzində ancaq biri vətəndaşlara xidmət edir. Bankda isə onlarla vətəndaş məcbur olub növbədə dayanır, saatlarla vaxtını itirir, insanlarda əsəbilik, gərginlik yaranır. Bütün bunlar filial rəhbərliyini qəti narahat etmir. Digər 3 kassada çalışan bank əməkdaşları isə heç nə olmamış kimi arada özləri üçün gəzişirlər, biri əlində energetik içki sanki növbədə dayananlara acıq verir, digəri iş yoldaşı ilə söhbət edir, o biri isə növbədənkənar “tapşırılan” əməkdaşları növbəsiz yola salır.

Yerdə qalır cəmi bir işçi. O isə növbə ilə onlarla vətəndaşa xidmət edir. Beləcə 5 dəqiqəlik iş saatlarla vaxt aparır.

Növbə gözləyən vətəndaşlardan bir neçəsi öz iradlarını bildirsələr də baş verənlər bank əməkdaşlarının heç vecinə də olmadı.

Hadisə yerində olan və bu gərginliyi müşahidə edən əməkdaşımız bank əməkdaşlarının nə dərəcə qeyri- peşəkar olduğu qənaətinə gəlib.

Əməkdaşımız bildirir ki, baş verənlərlə bağlı müştərilər rəhbərliyə şikayət etmək istəsələr də filial müdiri iş vaxtı yerində tapılmayıb. Və vətəndaşlar saatlarla gözləmək məcburiyyətində qalıblar.

Bəli, “Yapı Kredi Bank Azərbaycan” öz müştərilərinə belə xidmət göstərir. Əgər buna xidmət demək olarsa…

Biz LEGİON olaraq məsələ ilə bağlı “Yapı Kredi Bank Azərbaycan” QSC-nin ictimaiyyətlə əlaqələr şöbəsinin müdiri Heydər İsmayılovla əlaqə saxlasaq da zənglərimizə cavab vermədi.

Sənan Məmmədli

LEGİON

  BÖLMƏYƏ AİD DİGƏR XƏBƏRLƏR